📍ᴍᴏɴɢ ᴋᴏᴋ, ʜᴏɴɢ ᴋᴏɴɢ 🇭🇰
<回憶中的花夏薰衣草雪糕回歸仲要加入伯爵茶 iCREMERiA>
每次一提起i CREMERiA小編都會諗翻起兩年前佢哋推出過嘅富良野薰衣草雪糕😋個人對呢款雪糕嘅印象真係非常深刻🤗估唔到薰衣草雪糕今次回歸仲要加入左小編最鍾意嘅英式伯爵茶添，小編作為一個花控又點可以錯過呢😜
-
🍴薰衣草伯爵茶午後輕食
1️⃣薰衣草伯爵茶雪糕
評分：8/10
雪糕🍦以薰衣草配上英式伯爵茶製作而成，當中嘅薰衣草同伯爵茶香味都係以天然食材浸泡而成☺️並冇加入香料同色素。
雪糕入口嘅質感濃厚幼滑，入口食落帶有陣陣伯爵茶香味☺️當中又會夾雜着有清香嘅薰衣草香味，成杯雪糕嘅味道層次都非常豐富😝而且伯爵茶同薰衣草嘅香味比例調配得啱啱好，入口食落味道亦都唔算太甜😁整體來講，雪糕入口食落嘅感覺都偏向比較清幽，感覺上比起兩年前嘅薰衣草雪糕更加有驚喜🤪
2️⃣薰衣草伯爵茶蛋糕
評分：7.5/10
Lavender Earl Grey 🍰 以一層薰衣草忌廉一層英式伯爵茶海綿蛋糕梅花間竹咁組合而成🤗再配上白朱古力脆脆餅底🍫同乾薰衣草。
蛋糕入口口感非常鬆軟濕潤，而且帶有淡淡清香嘅伯爵茶香味🥰蛋糕中間亦都有一粒粒嘅茶葉碎喺度，所以伯爵茶香味都算係幾突出😝而係蛋糕中間嘅薰衣草忌廉入口口感輕盈，而且帶有清淡嘅薰衣草味☺️令成件蛋糕嘅感覺都生色不少。另外，蛋糕整體入口嘅味道都唔算太甜，雖然蛋糕入口嘅味道唔算太有驚喜，但都算係幾好味😉
3️⃣薰衣草伯爵茶
評分：8/10
薰衣草伯爵茶葉以TWININGS嘅伯爵茶茶包配上乾薰衣草粒自家調配而成😆
薰衣草伯爵茶入口會有比較重嘅伯爵茶香味，相反薰衣草味只係淡淡的🤔所以兩者配搭出嚟嘅感覺同樣會偏向比較清幽。而且呢一個薰衣草伯爵茶配上蛋糕一齊食，除咗有少少解油膩嘅感覺之外😳亦都令成個Tea Set變得更加圓滿🤗
價格：HKD $158
——————————
店舖名稱：i CREMERiA Café
環境：5/5
服務：4.5/5
地址：旺角亞皆老街8號朗豪坊4樓13號舖
交通：港鐵旺角站C3出口，步行約3分鐘
——————————
#hkfoodie_life_旺角
附近鐵路沿線仲有咩食👇
#hkfoodie_life_觀塘綫
#hkfoodie_life_荃灣綫
同類型食品嘅介紹👇
#hkfoodie_life_雪糕
#hkfoodie_life_蛋糕
．
．
．
．
．
#icremeria #icremeriacafe #icremeriahk #icecream #薰衣草伯爵茶 #薰衣草伯爵茶雪糕 #冰淇淋 #雪糕 #薰衣草雪糕
Search